गज़ल
कला निं तुई जे आ, किश ते तूं सारतां बुज्झेआं मना तूं जीने दी, किश ते बझारतां बुज्झेआं । बड़ी गै रौनकें दी लोड़ बी ते नेईं होंदी कुतै जे पौन तां खुशियें दी पारतां, बुज्झेआं । कनून सब्भै गै माह्नू दी…
S
Sunil Sharma
Writer
कला निं तुई जे आ, किश ते तूं सारतां बुज्झेआं मना तूं जीने दी, किश ते बझारतां बुज्झेआं । बड़ी गै रौनकें दी लोड़ बी ते नेईं होंदी कुतै जे पौन तां खुशियें दी पारतां, बुज्झेआं । कनून सब्भै गै माह्नू दी बेह्तरी लेई न जो नेईं चलै तां फ्ही नमियां अबारतां, बुज्झेआं । कुसै 'लै चंगां जे मंदा बनै तां अड़ेआं नेईं । मना तूं जिद्द निं फड़ने दी म्हारतां बुज्झेआं । डराऽ जे ज़िंदगी दा रुक्खा, न्हेरा पक्ख कोई मनै दे चन्नै दी सब्भै शरारतां बुज्झेआं । एह् मेरा सच्च गै, श्हादत इमानदारी दी । तूं कच्चें कोठें गी पुख्ता अमारतां बुज्झेआं ।
