कशबोइयां
कशबोइयां एह् कशबोइयां मीं मिलने गी फामियां होइयां गुट्टें दियां, गलाबें दियां रंग-बरंगे ख़्वाबें दियां चम्बें दियां, चमेली दियां तितली दी इक-इक स्हेली दियां कशबोइयां एह कशबोइयां मीं मिलने गी फामियां…
S
Sunil Sharma
Writer
कशबोइयां एह् कशबोइयां मीं मिलने गी फामियां होइयां गुट्टें दियां, गलाबें दियां रंग-बरंगे ख़्वाबें दियां चम्बें दियां, चमेली दियां तितली दी इक-इक स्हेली दियां कशबोइयां एह कशबोइयां मीं मिलने गी फामियां होइयां। फुल्लें दियां ओह् मुट्टमर्जियां कंडें दियां ओह् सीनाजोरियां नेईं सारनें लाई सक्कियां नगें सिरें, पुहानें पैरें साहें दियें तंदें पलमोइयां कशबोइयां एह् कशबोइयां मीं मिलने गी फामियां होइयां। रूहै दियां एह् खु’ल्लियां दुआरियां चिड़िंयें दियां एह् उच्चियां डुआरियां राह् जो बलगन गोपियां बेचारियां मन काहन्ने ने पार तुआरियां कशबोइयां एह कशबोइयां मीं मिलने गी फामियां होइयां। मिट्ठियां तानां एह बौंसरी दियां ठंडियां छामां मौलसरी दियां एह न सगातां, कच्चियें गिरी दियां आपमुहारियां, कोरजां, तवियां में इं'दा एह् मेरियां होइयां कशबोइयां एह् कशबोइयां मीं मिलने गी फामियां होइयां। ———————————-
