गज़ल
हे खिल्लरे दे तीले जेह्ड़े दाएं-बाएं मेरे आह्लड़े दे गै हे थाएं-थाएं । असें अपनी झाली दे दिक्खी भड़ांबे मते सेक तप्पे सगूं चाएं-चाएं । एह् साढ़ा गै जिगरा, नां बोल्ले नां कुसके मते लून छिड़के उ’नें…
P
Puran Chandra
Writer
हे खिल्लरे दे तीले जेह्ड़े दाएं-बाएं मेरे आह्लड़े दे गै हे थाएं-थाएं । असें अपनी झाली दे दिक्खी भड़ांबे मते सेक तप्पे सगूं चाएं-चाएं । एह् साढ़ा गै जिगरा, नां बोल्ले नां कुसके मते लून छिड़के उ’नें अल्ले घाएं । मेरी गोद फुल्लें शा रौह्नी ही खाल्ली जे चुभदे निं कंडे कदें थाएं-थाएं कदूं साथ छौरें हा न्हेरें च दित्ता सगूं पाए टपले इ’नें दाएं-बाएं । इस अपनी गै नाभी च खुश्बू मोहाड़े जि’दी खातर अस भौंदे रेह् थाएं-थाएं । इक अनसंभी बत्ता दे औखे हे पैंडे नबेड़ी ले इक दिन असें साहें-साहें।
