खमोशी
बिन कुए, बिन मुहां बोले गल्लां करै खमोशी बड़ी सम्मनी पर सरोखड़ एह् भाशा इक्क नोखी। रंग-रूप नेईं इस दा कोई बी सूरत नेई सिरनामा बिना लिखावट एह महाकाव्य बिन बरकें दै पोथी। ना औंकड़ ना लामा इस दै इसदी नेईं…
P
Puran Chandra
Writer
बिन कुए, बिन मुहां बोले गल्लां करै खमोशी बड़ी सम्मनी पर सरोखड़ एह् भाशा इक्क नोखी। रंग-रूप नेईं इस दा कोई बी सूरत नेई सिरनामा बिना लिखावट एह महाकाव्य बिन बरकें दै पोथी। ना औंकड़ ना लामा इस दै इसदी नेईं ग्रामर इस दे अक्खर विरला पढ़दा भाशा बड़ी भलोकी। शब्दावली नेईं इसने भाखी, भाखी नेईं कोई लिपि दर्द सबूरे गंडी बद्दे इस ने फंडी-सोती। छन्द-रदीफें एह् नेईं वाकिफ बैह्र-वजन केह् जाने रौला-रप्पा इसी नेईं भांदा चुप्पी बिच्च संदोखी। बिन शब्दें दै कविता एह्की मरम भरोचे किस्से जज़्बातें दे करै तरजमें खूब खंगाल्ली-तोसी। कुन जानै अस्तित्व इस दा सारें नेईं शनाख़्त ‘पूरण’ होग पछानूं इस दा कदूं कुसै ही सोची। ——————————————————
