गीत
तेरी कुक्खै बिच्च अंबड़िये आई आं दुनिया च आह्न, माए तेरी ममता दी अजें तरेहाई आं रम्जां पछान माए। मिगी तेरा निग्घ, माए सभनें शा प्यारा ऐ तेरे बाह्जू कुक्खै बिच्च होर कोह्दा स्हारा ऐ में ते ब'रें…
K
Kuldeep Kippi
Writer
तेरी कुक्खै बिच्च अंबड़िये आई आं दुनिया च आह्न, माए तेरी ममता दी अजें तरेहाई आं रम्जां पछान माए। मिगी तेरा निग्घ, माए सभनें शा प्यारा ऐ तेरे बाह्जू कुक्खै बिच्च होर कोह्दा स्हारा ऐ में ते ब'रें थमां कुक्खै च मकाई आं दुनिया च आह्न, माए। ब्हान्ना मजबूरियें दा इस बारी लायां नेईं जानियै तूं कुक्खै थमां मिगी छड़कायां नेईं दिक्ख डरै कन्नै किन्नी कमलाई आं दुनिया च आह्न, माए । तेरी सद्धरें गी माए सद्धरैं सोआरगी चाs तेरे मनै आह्ले मनां निं बसारगी मेदें तेरियें दी निग्घी रुशनाई आं दुनिया च आह्न, माए ।
