घुटन
दब्बी छुड़ो साढ़ियां अवाजां घोटी देओ साढ़े संघे इन्ना घोटो जे जींदे ते रोह्चै ब घुटी जान साढ़े बिचारें दे साह् जे मुंडियां उब्बड़ी नीं करङ। साढ़ियां सोचां साढ़े अक्खरें गी जीने थमां पैह्लें गै देई देओ…
K
Kalpana Tejasvini
Writer
दब्बी छुड़ो साढ़ियां अवाजां घोटी देओ साढ़े संघे इन्ना घोटो जे जींदे ते रोह्चै ब घुटी जान साढ़े बिचारें दे साह् जे मुंडियां उब्बड़ी नीं करङ। साढ़ियां सोचां साढ़े अक्खरें गी जीने थमां पैह्लें गै देई देओ मौती दी सजा ब जे जींदे रोह्चै ते साह् बी लैचै फ्ही तां जीह्ब दबोई र’वै दंदें ऐठ। जे मुँह् खु’ल्लन तां छड़ी जी हजूरी करने गित्ते जे मूंह खु’ल्लन तां छड़ी हां-च-हां मलाने गित्ते साढ़े अक्खरें साढ़ी सोचें ते साढ़े बचारें गी लाई देओ फाह्। की जे ओह् जींदे रेह् तां करलाई-करलाई सच्च बोलङ बा तुस्स दब्बी रक्खेओ असेंगी नेईं बोलन देओ मनें दे सच्च पर अंदर सलगी दी अग्ग कुत्थै चुप्प रोह्न दिंदी चेते रक्खेओ एह् गल्लां जे औने आह्ली पुश्तें तुस्सैं गी ठोह्री ठोह्री पुच्छना तुस्स फुट्टे कीऽ नेहे तुस्सैं असेंगी बोलना कीऽ नेईं सखाया। —————————
