करेआ
चौथ— तूं भाएं, जनेहा बी एं कनेहा बी एं। तूं भाएं शराबी एं कबाबी एं दागी एं पराधी एं। तूं भाएं भ्यागा उठदे गै शुरूं होई जन्ना एं पुनन मेरे पिछलें गी ते करी दिन्ना एं कालजा मेरा छलनी। फ्ही बी तूं मेरा…
A
Ashok Khajuria
Writer
चौथ—
तूं भाएं,
जनेहा बी एं
कनेहा बी एं।
तूं भाएं
शराबी एं
कबाबी एं
दागी एं
पराधी एं।
तूं भाएं
भ्यागा उठदे गै
शुरूं होई जन्ना एं
पुनन
मेरे पिछलें गी
ते
करी दिन्ना एं
कालजा मेरा छलनी।
फ्ही बी
तूं मेरा एं
मेरा सजरा सवेरा एं।
मेरी तांह्गें च
तूं बस्सें चन्ना
मेरे आटे च
तूं हस्सें चन्ना।
करेआ चौथी दा
रक्खियै बरत
में
मंगन्नी आं सुख तेरा
ते
लम्मी आरबला तेरी
ते
साथ जनमें- जनमें दा ।
तूऐं मेरा संसार एं
तूऐं मेरा शंगार एं
तेरे नै गै ब्हारां न
तेरे नै गै सारां न।
बाह्ज तेरै ध्हूरी आं
में तेरे नै गै सपूरी आं ।
में
रोज चन्नै च
दिक्खनी आं
चन्न अपना
मेरा रोज
करेआ चौथी दा
बरत होंदा ऐ।
——————