खरीदे दा चैन
अज्जकल में चैन खरीदी लेदा ऐ हून में गलत पासेआ गड्डी अग्गें लेई जाने आह्ले ड्राईवर गी किश नेईं आखदा बस्स, मुहां उप्पर इक्क हारी दी मुस्कराह्ट लेई औना। हून में उस शोह्दे नौजुआन गी दिक्खियै बी नेईं दिखदा…
Lalit Magotra
Writer
अज्जकल में चैन खरीदी लेदा ऐ हून में गलत पासेआ गड्डी अग्गें लेई जाने आह्ले ड्राईवर गी किश नेईं आखदा बस्स, मुहां उप्पर इक्क हारी दी मुस्कराह्ट लेई औना। हून में उस शोह्दे नौजुआन गी दिक्खियै बी नेईं दिखदा जेह्ड़ा मेरै सामनै गै कुड़ी कन्नै बदतमीजी करियै सीटी बजांदा निकली जंदा ऐ। हून में जोरें-जोरें करलाइयै भाशन देने आह्ले मजमे-बाज नेता दी कोई गलती नेईं कड्डदा में अपने दोस्त नेईं गोआने जेह्ड़े उस नेता दे भगत न। हून में चलाकी, झोलीचुक्की ते मक्कारी दियां पौड़ियां चढ़ियै समाज च बड्डे बने दे लोकें गी नेईं भंडदा सगों उ’नें गी हत्थ जौले करियै नमस्ते करना ते मौका मिलै ते उ’नें गी इज्जत-आदर ते मान बी दिन्नां। चैन खरीदने आस्तै में अपना जमीर बेचेआ जमीर में सस्ता गै बेचेआ उ’नें नेताएं दे जमीर थमां बी सस्ता जेह्ड़े ई.डी. दी रेड थमां बचने आस्तै रातो-रात इक्क पार्टी चा दूई च छाल मारी दिंदे न ते उं’दे जमीर कोला बी सस्ता जेह्ड़े उ’नें गी गले लाई-लाई अपनी पार्टी च शामल करदे न जि’नें गी ओह् उमर भर गालां कड्डदे रेह। हून मिगी बड़ा चैन ऐ जद् मेरे कोल जमीर गै हैनी ते फ्ही चैन गै चैन ऐ। —————————————
About the Author
Born in Jammu (Year 1944), Prof. Lalit Magotra completed M.Sc. in Physics from Kashmir University and did his Ph.D. in Physics (High Energy Physics) from Jammu University in the year 1974. He is a prolific Dogri Writer and has seven books to his credit in Dogri and one in Hindi. He has received a State Award, and Best Book Award from J&K Academy of Art, Culture and Languages. He has been conferred the coveted Sahitya Akademi Award for the year 2011 in Dogri. He has been the recipient of Senior Fellowship in Literature of the Ministry of Culture, Govt. of India.\r\n\r\nHe has currently leading Dogri Sanstha Jammu, a premier and most prestigious literary and cultural organization of the State as the President. In addition, he has been the convener of Dogri Language in Sahitya Akademi, New Delhi for two terms.
View all articles →