मां बुज्झ पीड़ मनै दी
हत्थ ब’न्नियै अरजा करां में मां बुज्झ पीड़ मनै दी जम्मेआ जदूं दा बस जरां में मां बुज्झ पीड़ मनै दी । कुसै गी नौकरी देऐं तूं कुसै गी बीर दिन्नी ऐं। खुट्टे जिं’दे भाग मेरे साहीं तूं मत्थै लकीर दिन्नी…
P
Pawan Verma
Writer
हत्थ ब’न्नियै अरजा करां में मां बुज्झ पीड़ मनै दी जम्मेआ जदूं दा बस जरां में मां बुज्झ पीड़ मनै दी । कुसै गी नौकरी देऐं तूं कुसै गी बीर दिन्नी ऐं। खुट्टे जिं’दे भाग मेरे साहीं तूं मत्थै लकीर दिन्नी ऐं। नैनें दा झड़ियां ब’रांऽ में मां बुज्झ पीड़ मनै दी । जि’नें कुड़ियें दे ढिल्ले न संजोग उं’दे रिश्ते कराऽ बनी रवारियां नींदर भरियै सवै बावल लखिया भार नेईं होन धियां फ्ही कोआरियां दुनियादारी शा डरां में मां बुज्झ पीड़ मनै दी । सभनें दे खट्टन खट्टेआं शाह्नी बनियै करेआं तूं पूरियां जरूरतां असेंगी तूं रक्ख सदा हिरखै दे निग्घै इच्च फिक्कियां नेईं पौन देएआं सूरतां ममता दी सीरें च मठोआं में मां बुज्झ पीड़ मनै दी । कक्ख हौली जिंद मेरी,कक्खें दी गै कुल्ली ऐ खानै गी निं घर कक्ख मेरै थोड़ां ते गरीबी बैठे पक्के पैरैं न बनेरै थोह्ड़ा जियां ते मता मरां में हत्थें दी तूं छावां हिट्ठ रक्ख मां मां बुज्झ पीड़ मनै दी ।
