रंग
रंग जदूं ज़िंदगी दे द्हूरे रेही जंदे न पुग्गन निं ख्वाब तां झूरे रेही जंदे न सोचें पर पेदा रौंह्दा भार जन ओपरा, मुक्की जंदी क्हानी, बस ङ्हूरे रेही जंदे न। रंग घसमैले जदूं रंग मासा दसदे अनमिथे भाव आनी…
K
Kuldeep Kippi
Writer
रंग जदूं ज़िंदगी दे द्हूरे रेही जंदे न पुग्गन निं ख्वाब तां झूरे रेही जंदे न सोचें पर पेदा रौंह्दा भार जन ओपरा, मुक्की जंदी क्हानी, बस ङ्हूरे रेही जंदे न। रंग घसमैले जदूं रंग मासा दसदे अनमिथे भाव आनी हिरदे च बसदे मारदा मनुक्ख फेर टक्करां बथ्हेरिया भज्जी जंदी आक्कड़, खंघूरे रेही जंदे न। रंग कदें फिक्कड़ बी रंगे इच रंगदे न सोचें आह्ली सूलिया प बदो-बदी टंगदे न खिंडी जंदा आपे कोला अपना गै आपा फ्ही कोल छड़े अक्क ते धतूरे रेही जंदे न। रंग जदू सुखनें दे हीखियैं रंगोंदे न चाs सनें काह्न्नी फेर भुञ्ज-खट्ट होंदे न साथ निं नभाs ‘किप्पी’ कल्पना डोआरी जे भाव किश मनै दे बतूरे रेही जंदे न।
