संवेदनशील मन
में कविता दे पिच्छे दौड़ेआ उसी फड़ने आस्तै पर ओह् ते आगे-आगे नस्सदी जाऽ दी ही उसदे पिच्छे नस्सदे-नस्सदे ते उसी फड़दे-फड़दे मेरे पैर छलोई गे हत्थ थक्की गे ते पोटू लाल होई गे पर कविता हत्थ नेईं आई ओ दूर…
P
Pawan Verma
Writer
में कविता दे पिच्छे दौड़ेआ उसी फड़ने आस्तै पर ओह् ते आगे-आगे नस्सदी जाऽ दी ही उसदे पिच्छे नस्सदे-नस्सदे ते उसी फड़दे-फड़दे मेरे पैर छलोई गे हत्थ थक्की गे ते पोटू लाल होई गे पर कविता हत्थ नेईं आई ओ दूर जाइयै बूह्टे दी टिसिया उप्पर बेही गेई ते मेरी बक्खी दिक्खन लगी पेई शायद सोचा दी ही कैसा मूर्ख माह्नू ऐ मिगी जबरदस्ती फड़ा करदा ऐ कविता ते कदें बी जबरदस्ती नेईं औंदी नां गै फगड़ियै लखोंदी ऐ एह् ते ओह् एहसास ऐ जेह्ड़ा मसूसने कन्नै औंदा ऐ एह् ते हवा च गंड मारने आह्ली गल्ल ऐ इदे ताईं सच्चें गे दिक्खने आह्ली अक्ख चाई दी ऐ एह् कोई आम नेईं इक संवेदनशील मनै दा कम्म ऐ सैह्बन गै कविता गैब होई गई ते बूह्टे दी टाली नां-नां करदी हिलदी रेही। ——————————————
