उमरां अक्खर
अक्खर उसदा नैनें ब’रदा आया हा बिन होंठें, बिन जीह्बा जेह्का गीत कुसै ने गाया हा । रास मनै दी लाइयै जिसने हिरखी हट्ट सजाया हा सच्च बजारैं बेची उसने किन्ना झूठ कमाया हा । नां चानन शा में हा छिंडै, नां…
Susheel Begana
Writer
अक्खर उसदा नैनें ब’रदा आया हा बिन होंठें, बिन जीह्बा जेह्का गीत कुसै ने गाया हा । रास मनै दी लाइयै जिसने हिरखी हट्ट सजाया हा सच्च बजारैं बेची उसने किन्ना झूठ कमाया हा । नां चानन शा में हा छिंडै, नां गै चन्न दरेडा हा काह्र मझाटै पाई जिसने, ओह् मेरा गै साया हा । बिन गरजा गै मेरी मंडी मेरे सौदे होंदे रोज़ उस मेरै ने मेरे अंदर कैसा शैह्र बसाया हा । नां कन्ना, नां लामें पाए, नां औंकड़ नां बिंदी गै अक्खर-अक्खर उस कोरै ने कोरा मी परताया हा । रमजें-रमजें मौत गलांदी, तेरा लगदा आया नेईं ऐह्वें गै तूं उसदी मेदा, साहें गी बलगाया हा । उसदे चेतें नैन ‘बगान्ना’, सौन मनै दा कुसगी थौह् किन्ना घिरेआ, किन्ना ब’रेआ, किन्ना होर बकाया हा ।
