चन्न
चाननी-- उस रात चन्न मती दूर नजर आया उस्सी पुड़छने गी समुंदरी लैह्रां उट्ठियां चन्न गी लैह्रां मनभाइयां उत्त समानै चन्न भरपूर जुआनी च आया। बधदे चन्न कन्नै लैह्र बधदी रेही घटदे चन्न कन्नै लैह्र घटदी…
R
Rachna Vinod
Writer
चाननी--
उस रात चन्न मती दूर नजर आया
उस्सी पुड़छने गी समुंदरी लैह्रां उट्ठियां
चन्न गी लैह्रां मनभाइयां
उत्त समानै चन्न भरपूर जुआनी च आया।
बधदे चन्न कन्नै लैह्र बधदी रेही
घटदे चन्न कन्नै लैह्र घटदी रेही
कुप्पड़ कन्नै टकराई बुआल खिल्लरी गेआ
चन्न ते लैह्रें दी दूरी बनी रेही।
लैह्रें कन्नै खेढन चाननी आई
कन्नै ठंडक लेई आई
पूरी कशश कन्नै लैह्रें गी खिच्चियै
लैह्रें दे उप्पर फैली गेई।
पूरी रात चन्न-चाननी दा खेढ जारी रेहा
चाननी दा शलैपा सारें गी मोह्त करदा रेहा
जित्थै चन्न उत्थै चाननी दा औना जरूरी
एह् रौंसला मंजर सारें गी टबिल्ल करदा रेहा।
-------------------------------