गज़ल
कदें मी जीने दा मौक़ा मिलै, ख़्याल र’वै कुसै बी पासै दा जीने दा नेईं मलाल र’वै। रड़ा मदान ऐ, धुप्पां न,पर निं छां कुधरै ब उद्दमै नै दिलै दी जिमीं, छुआल र’वै । में खु’ल्ले हत्थें नै बंडां न मेवे जीवन…
S
Sunil Sharma
Writer
कदें मी जीने दा मौक़ा मिलै, ख़्याल र’वै कुसै बी पासै दा जीने दा नेईं मलाल र’वै। रड़ा मदान ऐ, धुप्पां न,पर निं छां कुधरै ब उद्दमै नै दिलै दी जिमीं, छुआल र’वै । में खु’ल्ले हत्थें नै बंडां न मेवे जीवन दे करां निं किरस, तां गै ज़िंदगी दुआल र’वै। पवै जे छौरा तां ओह्दा, निं जेह्दा कोई सान्नी नमाने माह्नू दा, मेरे प की फ्ही झाल र’वै । दिलै च आवै जो करदा र’वां बिना सोचे एह् मेरा दिल ऐ, की इसगी निं मेरी भाल र’वै । जवाब ,मेरे सुआलें दे जे मिलन सब्भै तां ज़िंदगी च गै जीने दा केह् सुआल र’वै । विरोध जुल्में दा करना ते अत्त जरूरी ऐ तां की निं कुसकां, मनै इच गै की बुआल र’वै । मनै दे चाऽ मेरे, लैह्रां कदें, शमानी ब्हाऽ डुआरियें च आं ,कीऽ लौह्की कोई छाल र’वै । में खेढियै गै ते जीवन दी दौड़ जित्ता नां तमाशबीन निं, बेही ज़िंदगी दी पाल र’वै।
