गज़ल
इक्क बद्दल जंदे-जंदे ऐसा शारा देई गेआ आर-पार होऐ दा दरया मीं कनारा देई गेआ । मन-डुआरी चन्न-तारे गास गांह्दी गै र’वै । मेरा साह्सत्त फंघें आह्ला मीं ऐ चारा देई गेआ । मेरी हिम्मत दा जो फल ऐ मेरी झोली…
S
Sunil Sharma
Writer
इक्क बद्दल जंदे-जंदे ऐसा शारा देई गेआ आर-पार होऐ दा दरया मीं कनारा देई गेआ । मन-डुआरी चन्न-तारे गास गांह्दी गै र’वै । मेरा साह्सत्त फंघें आह्ला मीं ऐ चारा देई गेआ । मेरी हिम्मत दा जो फल ऐ मेरी झोली नेईं समाऽ किस्मतै दे तारे कश जो किश हा, सारा देई गेआ । जीने दा उद्देश केह् ऐ ? मन एह् पुच्छै बार-बार मन बो होंदै दे सुआल्लै गी बी लारा देई गेआ । होने, नेईं होने दे रंगें इच मेरा बी रंग ऐ । एह् बरंगा गै सेही, पर रंग सारा देई गेआ ।
