गज़ल
पता बी है मेरी कुद्धरै बी मालकी नेईं ऐ ‘मेरी-मेरी’ दी बी मेरे च पर कमी नेईं ऐ । मती ऐ अजनबी, बनत्तर मेरे नै खास नेईं मेरी गै ज़िंदगी ऐ पर मेरी बनी नेईं ऐ । मेरी गै हांब च मेरा शमान रोज र’वै मेरी ज़मीन…
S
Sunil Sharma
Writer
पता बी है मेरी कुद्धरै बी मालकी नेईं ऐ ‘मेरी-मेरी’ दी बी मेरे च पर कमी नेईं ऐ । मती ऐ अजनबी, बनत्तर मेरे नै खास नेईं मेरी गै ज़िंदगी ऐ पर मेरी बनी नेईं ऐ । मेरी गै हांब च मेरा शमान रोज र’वै मेरी ज़मीन बी मेरे तै ओपरी नेईं ऐ। समझ शा बाह्र ऐ, पूरी पवै निं की मेरी में पाई रज्जियै खोह्-मोह्, मगर फली नेईं ऐ। मेरा मेरे नै बी मिलना कदें-कदें होऐ मिलां तां राबते दी बी मेरै कमी नेईं ऐ । कटान ज़िंदगी दा फरद लग्गियां रींह्गां अजें कुसै दी बी गरदौरी पर चढ़ी नेईं ऐ । उतार ते चढ़ाऽ गै ज़िंदगी सखान, यरो जो खिंडै सागरै शा लैह्र ओह् पली नेईं ऐ ।
