गीत
तूं कविता, तूं काह्न्नी मेरी, तूं गै मेरा गीत तूं सुंदर जन रचना, मेरे जीवन दा संगीत । तूं रस्ता, तूं मंजल मेरी, तूं कोमल जन आस तूं ऐं मौज मनै दी मेरी, तूं मेरा विश्वास तूं गै जीवन-साथी जि’यां, तूं गै…
P
Puran Chandra
Writer
तूं कविता, तूं काह्न्नी मेरी, तूं गै मेरा गीत तूं सुंदर जन रचना, मेरे जीवन दा संगीत । तूं रस्ता, तूं मंजल मेरी, तूं कोमल जन आस तूं ऐं मौज मनै दी मेरी, तूं मेरा विश्वास तूं गै जीवन-साथी जि’यां, तूं गै मन दा मीत तूं सुंदर जन रचना, मेरे जीवन दा संगीत तूं कविता, तूं काह्न्नी मेरी, तूं गै मेरा गीत । तूं शक्ति, तूं भक्ति मेरी, तूं गंगा, तूं ज्ञान तूं हिरदे दे कण-कण बस्सनीं, तूं प्राणें दे प्राण तूं रीझें दी रीझ ऐं मेरी, तूं रीतें दी रीत तूं सुंदर जन रचना, मेरे जीवन दा संगीत तूं कविता, तूं काह्न्नी मेरी, तूं गै मेरा गीत । दीन-धर्म बी तूं गै मेरा, तूं मेरा ईमान तूं जि’यां फ्ही दुनिया मेरी, तूं गै मेरा ज्हान तूं जुगें दी पूजा मेरी, तूं जरमें दी प्रीत तूं सुंदर जन रचना, मेरे जीवन दा संगीत तूं कविता, तूं काह्न्नी मेरी, तूं गै मेरा गीत ।
