इक रात दे जातरी
इक रात दे जातरी इ’यां बने जोड़ीदार तां दम बतीत करदे रेह् दूरें-दूरें बंडोई दी जिंदगी दे बनियै जान-प्राण। मती सन्हाकड़ी मती सुच्ची मुस्तैद सरोखड़ मती सोहामी नंददार, मजेदार, शैल, रौंसली हर मोड़ उप्पर…
R
Rachna Vinod
Writer
इक रात दे जातरी
इ’यां बने जोड़ीदार तां दम
बतीत करदे रेह् दूरें-दूरें बंडोई दी
जिंदगी दे बनियै जान-प्राण।
मती सन्हाकड़ी मती सुच्ची
मुस्तैद सरोखड़ मती सोहामी
नंददार, मजेदार, शैल, रौंसली
हर मोड़ उप्पर बरसांत कणी-कणी।
शिव-शक्ति दा दिब्ब संगीत
तन-मन च भरोचे प्रीत
बदधी चाह् च मता बाद्धा करिए
ऐंताकरण दी त्रेह् करे त्रिप्त।
स्रिश्टी नरमान दी कत्थ सुनदे
सुतनींदरा पार्वती दा साथ नभाऽ
कबूतर जोड़ी भरिए हुंकारा
हर-हर महादेव दा लांदी नारा।
—————————