जीने दी खाह्श
थुआढ़ी खाह्शै जम्मी, हसरतैं खेढी गीतैं पली, क’त्थें जुआन कीता ते नराजगियें कुसै पासा नेईं रौह॒न दित्ता में ते जीना चाह्न्नी आं। सो नराजगी दी बजह तुपदी उस कत्थै गी तुप्पनी जिस कत्थै जुआन कीता जि’नें…
R
Rachna Vinod
Writer
थुआढ़ी खाह्शै जम्मी, हसरतैं खेढी
गीतैं पली, क’त्थें जुआन कीता
ते नराजगियें कुसै पासा नेईं रौह॒न दित्ता
में ते जीना चाह्न्नी आं।
सो नराजगी दी बजह तुपदी
उस कत्थै गी तुप्पनी जिस कत्थै जुआन कीता
जि’नें गीतैं पालेआ उ’नेंगी गुनगुनांदे
जेह्ड़ी खेढें खेढी, ओह् खेढ्दे खेढ-मदान उतरनी आं।
जेह्ड़ी खाह्शैं जम्मेआ ओह् खाह्श करियै
आपूं दे नेईं औने दी बजह झुठलांदे
अपनी जुआनी, पालना, खेढ-खढौने भुल्लियै
परतियै थुआढ़ी खाह्शै जनम लैन्नीं।
थुआढ़ी खाह्श रौंह्दे, तांह्गैं खेढदे
गीतैं पलदे, कत्थैं जुआन होंदे
जिं’दा औने दा सबब्ब ढोंदे
एह् खाह्श गी बनाई रक्खना चाह्न्नी आं।
जेह्ड़ी खाह्श रामराज दे सुखैं झोली भरदी
शिवभक्तें दा तप सफल करदी
जेह्ड़ी खाह्श जम्मी-पली, ओह् बरकरार रखदी
में जीना चाह्न्नी आं।
-------------------------