जि’यां अस्स
धूड़ां धारें गै नेईं पौंदियां,एह् शिड़का बी औंदियां गुबार गै नेईं बुआलदियां, खेतर बी खंघालदियां एह् शिड़कां जित्थें बी गेइयां, धूड़ां गै पाइयां एह् शिड़कां बनियां कैह्ली बखलियां। कु’त्थें-कु’त्थें…
R
Rachna Vinod
Writer
धूड़ां धारें गै नेईं पौंदियां,एह् शिड़का बी औंदियां गुबार गै नेईं बुआलदियां, खेतर बी खंघालदियां एह् शिड़कां जित्थें बी गेइयां, धूड़ां गै पाइयां एह् शिड़कां बनियां कैह्ली बखलियां। कु’त्थें-कु’त्थें बुआल नेईं उट्ठे, खुआन नेईं खुब्भे धूड़ें धुंदला कैह्ली कीता ? गैह्लियां-म्हल्ले कैह्ली बखले बने अपने बगान्नें गैर की कीता ? किश सवाल करदियां किश जवाब बनदियां एह् शिड़कां जींदियां जागदियां धड़कने साहीं धड़कदियां। शिड़कां उबड़-खाबड़ जां साफ फेरा ऐ हिरखी तहें दा घेरा ऐ खबरै साढ़े दिलै दा डेरा ऐ इत्थें गै साढ़ा बसेरा ऐ। शिड़कें राहीं दूरी-मजबूरी बस्सो-बस्स सफर हकीकी सच्चो-सच्च अगर-मगर नेईं कल्ल-अज्ज टस्सो-मस्स नेईं जि’यां अस्स।
