करी दे मिगी कपाहु साहीं हौला
तेरे चेतें दा खलार समेटना चाह्न्नी आं इ’नें त्रोड़कें आह्ले धागें दे पिन्नु लपेटना चाह्न्नी आं समेटां बी तां कि’यां उ’नें मेरे चेतें आह्लियां गंढ-बुछकड़ियां बखोखी टकाई दियां न लपेटां बी तां कि’यां…
U
Usha Kiran
Writer
तेरे चेतें दा खलार समेटना चाह्न्नी आं इ’नें त्रोड़कें आह्ले धागें दे पिन्नु लपेटना चाह्न्नी आं समेटां बी तां कि’यां उ’नें मेरे चेतें आह्लियां गंढ-बुछकड़ियां बखोखी टकाई दियां न लपेटां बी तां कि’यां की जे उ’नें मेरी रीझें दे धागें दे त्रोड़के-त्रोड़के करी टकाए दे न । में जिस हिरखै दे बूह्टे गी दित्ता हा पानी उंजलैं-उंजलैं उस्सै बूह्टे गी नफरत दे धागे लपेटी-लपेटी शरीक फसाई गे हे गुंझलैं अनसंभ गुंझलैं में इ’नें गुंझलें गी कड्ढियै पिन्नु लपेटना चाह्न्नी आं उं’दी बखोखी दी बुछकड़ी गी में शैल चाल्ली समेटना चाह्न्नी आं । मेरे दाता, में कुसै सगनै आह्ली बांहीं दी ख’म्मनी होई जां जेह्ड़ी कड्ढी सु’ट्टै तंदु मैल जां ओह् ड’म्मनी होई जां दुनियादारी दी चापलूसियें थमां दूर में इक नार सम्मनी होई जां इस डब्ब-खड़ब्बी जिमीं गी साह्री करियै जाना चाह्न्नी आं लेइयै हिरखै दा गोडनू जिंदगी गी गुट्टियें दी क्यारी करी जाना चाह्न्नी आं । में जद बी उड्डरां ओह्के गास तां ना कोई लुब्भ र’वै, ना आस हौली होई जां रुऐं आंह्गर जां चबक्खै खश्बो खलारां हवनै दे धुऐं आंह्गर तेरा दित्ते दे सब किश ऐ, मेरे मौला बस दे सीसें दा भरे दा झोला ते करी दे मिकी कपाहु साहीं हौला करी दे मिकी कपाहु साहीं हौला । ………………………………………
