माहिया
ब्हा प्यौके दी आई ऐ सौह्रे घर लाड़ियै ने घुट्टी छातिया नै लाई ऐ । ब्हा प्यौके दी आई ऐ साहें इच मिसरी घुली सारी जिंदु च समाई ऐ । ब्हा प्यौके दी आई ऐ चेतै आया बीर लौह्कड़ा तां छोआली उठी आई ऐ । ब्हा…
Nirmal Vinod
Writer
ब्हा प्यौके दी आई ऐ
सौह्रे घर लाड़ियै ने
घुट्टी छातिया नै लाई ऐ ।
ब्हा प्यौके दी आई ऐ
साहें इच मिसरी घुली
सारी जिंदु च समाई ऐ ।
ब्हा प्यौके दी आई ऐ
चेतै आया बीर लौह्कड़ा
तां छोआली उठी आई ऐ ।
ब्हा प्यौके दी आई ऐ
अज्ज नीले निंबलै बी
नैनें बद्दली बर्हाई ऐ ।
ब्हा प्यौके दी आई ऐ
बाबलै दे अंगनै खड़ी
अंबड़ी चेतैं छाई ऐ ।
कल्ल सज्जनें टुरना ऐ
गोरी निम्मोझान खड़ी
पिच्छूं तिल-तिल खुरना ऐ ।
