पल कोई भागला
कश्बो कोई रची-बसी दी अजें तीक ब्हाऊ दे अंदर। पल कोई भागला अजें बी, शांत सरैह्ने मेरे उप्पर सिर रक्खी अडोल सुत्ते दा। सुत्ते शांत अडोल पलै दे ओठें पर मुस्कान खिड़ी दी सोह्ल, सलखनी, शुभ, मनमोह्नी पक्के…
Nirmal Vinod
Writer
कश्बो कोई रची-बसी दी अजें तीक ब्हाऊ दे अंदर। पल कोई भागला अजें बी, शांत सरैह्ने मेरे उप्पर सिर रक्खी अडोल सुत्ते दा। सुत्ते शांत अडोल पलै दे ओठें पर मुस्कान खिड़ी दी सोह्ल, सलखनी, शुभ, मनमोह्नी पक्के पैरें ब्हाऊ अंदर रची-बसी कश्बोई आंह्गर। मनमोह्नी मुस्कानै ओह्लेआ झांकदी सुंदर सूरत-सीरत आह्ली मूरत, उसदी जो मेरे इस कमरे अंदर किश चिर कन्नै रेहियै। रत्तू गी गरमाई सोमरसी जन गेई बनाई सुख समुंदरै दी लैह्रें इच गोत करी। सोमरसी जन करियै सुख-दुख बंडी टुरी गेई दी। मेरी होंद दा हिस्सा कोई लेई गेई दी अपनी होंद दा हिस्सा पिच्छैं मेरे सरैह्नै धरी गेई दी जिसी थबोकै करदी कमरे दी ब्हाs कश्बो रची-बसी दी । ——————————————-
