मेरी डंगोरी
मेरिये साथने! एह् फिरदियां-घिरदियां ब्हारां न एह् मौसमीं धुप्पां- छांवां न। ओह् बी इक चढ़दा दौर हा जां फ्ही बाह्में च जोर हा! फोक्की ऐंठा ताईं जोराबरियें च रक्खेआ तुगी जंदरें च बंद सथरें च रक्खेआ।…
A
Ashok Khajuria
Writer
मेरिये साथने! एह् फिरदियां-घिरदियां ब्हारां न एह् मौसमीं धुप्पां- छांवां न। ओह् बी इक चढ़दा दौर हा जां फ्ही बाह्में च जोर हा! फोक्की ऐंठा ताईं जोराबरियें च रक्खेआ तुगी जंदरें च बंद सथरें च रक्खेआ। उ'आं तुगी बी औल ही, अड़िये! पिच्छ-लग्गू बनियै मेरा लड़ थ'म्मियै पिच्छें-पिच्छें टुरने दी मेरे ताईं खुरने दी। केह् बंधन हा ओह् धर्मी, अड़िये? मेरी खातर मरने दा मेरी खातर भुरने दा ! लै हुन! समां फेरी ऐठा पास्सा दुआठनी पर खड़ोइयै चग्घे चघाऽ दा मीं उमरी दा डिरगा हास्सा। हुन ! में तेरी गोचरी, जिंदे। आ, थ'म्म औंगल मेरी! चल मेरे अग्गें -अग्गें ते डिगदा-ढौंदा में तेरे पिच्छें- पिच्छें । हुन तूं गै मेरी डंगोरी मेरिये साथने!
