प्रीतम कन्नै मेल
नच्ची-नच्ची मीरा गेई जिसगी पाई ऐ नानक ने उसगी हा पाया गाई-गाइयै । ध्यान जेह्दा जंगलें फरीद रेहा करदा कबीर करी साधना हिरदै रेहा धरदा प्रह्लाद ने विश्वास नै हा जिसगी बुज्झेआ सदना कसाई हा पलें-खिनें…
Bansi Lal
Writer
नच्ची-नच्ची मीरा गेई जिसगी पाई ऐ नानक ने उसगी हा पाया गाई-गाइयै । ध्यान जेह्दा जंगलें फरीद रेहा करदा कबीर करी साधना हिरदै रेहा धरदा प्रह्लाद ने विश्वास नै हा जिसगी बुज्झेआ सदना कसाई हा पलें-खिनें उत्थै पुज्जेआ उ'ऐ मिलदा उसी जोत जेह्दै समाई ऐ नानक ने उसगी हा पाया गाई-गाइयै। एह् कम्म निं स्थूल जो करने नै होंदा ऐ होने आह्ला कम्म ऐ आपूं गै होंदा ऐ समझी रोटीन कम्म करो जिन्ना मर्जी ऐ कदें बी निं भाव रैह्त लगदी उत्थै अर्जी ऐ बांगां मारो जोरें भां स्पीकर बी लाइयै नानक ने उसगी हा पाया गाई-गाइयै। होरनें बी जि'नें-जि’नें कीता रसपान ऐ दादू दयाल ऐ, नामदेव रसखान ऐ चैतन्य महाप्रभु रौंह्दे उस्सै च चतन्न हे पाया यारो जि'नें बी लोक ओह् धन्न हे उ'नें गै कीती असला च असली कमाई ऐ नानक ने उसगी हा पाया गाई-गाइयै। करो जि'यां मर्जी याद समग्रता नै करो तुस जि'यां करो जो बी करो प्राण कड्ढी धरो तुस जरूरी नीं ध्यान जप करो फ्ही योग साधना निकलग क्रिया हिरदे चा तां बनग अराधना पुज्जी उ'ऐ अवाज जो हिरदे चा आई ऐ नानक ने उसगी हा पाया गाई-गाइयै। भावनाएं दी भाशा नै करियै तदाकार ओह्दे कन्नै जोड़ी लैओ हिरदे दी तार ओह्दे नै जदूं बी तुं'दा जुड़ी जाह्ग भाव मिलदा जाह्ग तुसें ई हर गल्लै दा जवाब मिलना मुकाम नेईं जे समझ निं आई ऐ नानक ने उसगी हा पाया गाई-गाइयै। जपी-जपी जाप यारो किश बी होना नेईं चांह्दे ओ जित्थै पुज्जना तुसें पजोना नेईं लेखा-जोखा स्हाब ते कताब निं जे चलना रूहै राहें प्रार्थना च पौना ऐ ढलना गल्ल बुल्ले शाह् ने बी एह्कड़ी गलाई ऐ नानक ने उसगी हा पाया गाई-गाइयै। —————————————————
