सच्च
में जदूं बी कुसै नड़ोए कन्नै मसान -घाट जन्नां तां उत्थै जाई अ'ऊं सिद्ध-पुरख साध-सैंत्त बनी जन्नां। होर बी केईं मेरे कन्नै ग्यान बंडदे मोह्-माया गी भंडदे आखदे-- जीवन नश्वर ऐ मौत अटल ऐ एह् जीन पानी च…
A
Ashok Khajuria
Writer
में जदूं बी कुसै नड़ोए कन्नै मसान -घाट जन्नां तां उत्थै जाई अ'ऊं सिद्ध-पुरख साध-सैंत्त बनी जन्नां। होर बी केईं मेरे कन्नै ग्यान बंडदे मोह्-माया गी भंडदे आखदे-- जीवन नश्वर ऐ मौत अटल ऐ एह् जीन पानी च पतासा ऐ द'ऊं रोजें दा खेढ तमाशा ऐ हत्थ-पैर भाएं किन्ने मारै बंदा कन्नै कक्ख निं जंदा! ग्यानी-ध्यानी गल्लां सुनियै इ'यां बझोंदा अखचै, कलजुग अपनी डंगोरी चुक्कियै नस्सै करदा ऐ ते सतजुग बाल रूपै च हस्सै करदा ऐ। पर तीला भन्नियै में जिसलै घर परतोन्नां नीति-ग्यान दे ओह़् काकल फ्ही कोरे होई जंदे न ते में फ्ही रंभी लैन्नां ठग्गी-बुच्ची दे ढंग होर बी ढोंग-पखंड।
