सोचें दे काफले
चंगा होआ साथियो अ'ऊ भुल्लै करनां नांऽ अपने जोटीदारें दे दोखी-सोखी यारें दे रिश्ते-साकें दे। चंगा होआ अ'ऊं भुल्लै करनां सुद्ध-बुद्ध अपनी हुत- हुप्फ अपनी। अ'ऊं त्रोड़ै करनां सौंगलां बंधनें दियां हीखी-…
A
Ashok Khajuria
Writer
चंगा होआ साथियो अ'ऊ भुल्लै करनां नांऽ अपने जोटीदारें दे दोखी-सोखी यारें दे रिश्ते-साकें दे। चंगा होआ अ'ऊं भुल्लै करनां सुद्ध-बुद्ध अपनी हुत- हुप्फ अपनी। अ'ऊं त्रोड़ै करनां सौंगलां बंधनें दियां हीखी- मेदें दियां अ'ऊं मुक्त होआ करनां अपनी गै कैदै शा। अ'ऊं लद्दी ऐठा हा बैंह्तर अग्ग-लगूनी सोचें दे बे'थवी घोचें दे लाद्दी च आह्र हा बेढवा लुआर हा। खोह्ल्ली छंडी ऐठां पलानें ते होई गेआ आं हौला। सफर च आं साथियो छोड़ियै जा करनां, सोचें दे काफले।
