दाती मां
जिस घरै च मिलदा स्हारा ऐ मां सच्चा तेरा दुआरा ऐ नेईं रौंह्दा कोई नरास तेरै होंदी ऐ पूरी आस तेरै मिं लभदा निं कोई दाता ऐ तेरे नेहा इत्थै माता ऐ सब तेरे दुआरै ढट्ठै दे भरने गी झोलियां नट्ठै दे सदा होंदा…
Bansi Lal
Writer
जिस घरै च मिलदा स्हारा ऐ मां सच्चा तेरा दुआरा ऐ नेईं रौंह्दा कोई नरास तेरै होंदी ऐ पूरी आस तेरै मिं लभदा निं कोई दाता ऐ तेरे नेहा इत्थै माता ऐ सब तेरे दुआरै ढट्ठै दे भरने गी झोलियां नट्ठै दे सदा होंदा पार तुआरा ऐ। एह् भगत सकामी सारे मां जो बोल्लै दे जैकारे मां लक्ख पति करोड़ जां अरब पति चांह्दा ऐ भिक्खेआ मती-मती इत्थै औंदा हर सुआली ऐ हत्थ फड़ियै ठूठा खाल्ली ऐ नेईं लभदा होर दुआरा ऐ जिस घरै च मिलदा स्हारा ऐ। एह् जग सारा भिक्ख मंगा ऐ नेईं रज्जै हुक्का-नंगा ऐ लेई इक्कै हीखी लंघै दा नत्तमस्तक होई मंगै दा दिक्खै जदूं हालत माड़ी मां दिंदी ऐ छप्पर फाड़ी मां जिस रचे दा एह् संसारा ऐ जिस घरै च मिलदा स्हारा ऐ। नेईं दिंदी झूठा लारा मां करदी सब दा निपटारा मां जग थक्कै मंगी- मंगी नेईं मां अक्कै बंडी-बंडी नेईं कोई मंगै दा हत्थ कड्ढियै कोई मंगै झोली अड्डियै नेईं मंगने गी कोई थाह्रा ऐ जिस घरै च मिलदा स्हारा ऐ। मंगो तुस बेशक झक्को नेईं सचक्खन दी शर्त रक्खो नेईं जो कण-कण बिच मां बसदी ऐ सुनी सुक्खन तुं'दी हसदी ऐ जिस आपूं मंगी खानी ऐ उस सुक्खन केह् चढ़ानी ऐ एह् जग गै ओह्दा सारा ऐ जिस घरै च मिलदा स्हारा ऐ। ———————————————
